 |
| लिम्बुवान सभामा सहभागिहरु । |
 |
| सभालाई सम्बोधन गर्दै अध्यक्ष कुमार लिङदेन । |
 |
| सभालाई सुरक्षा प्रदान गर्दै लिम्बूवान भोलेन्टीयर्सका सदस्यहरु । |
मोरङ, १० मंसिर । लिम्वुवानवादी नेताहरुले लिम्वुवान प्राप्ती नभएसम्म आन्दोलन जारी राख्ने बताएका छन् ।
शनिवार विराटनगरमा आयोजित विशाल आमसभामामा बोल्दै उनिहरुले यस्तो बताएका हुन् । आमसभामा वोल्दै मञ्च सम्बद्ध संघिय लिम्वुवान राज्य परिषदका अध्यक्ष कुमार लिङदेनले विभिन्न राजनीतिक दलहरुले लिम्बूवानको विरोध गर्दै आएकोप्रति रोश प्रकट गरे । लिम्बुले एकात्मकवादीहरुको लोभमा संघियतावादीहरु कहिल्यै नफस्नेभएकोले आफु र आफना कार्यकर्ताहरुलाई लोभमा फसाउने कुचेष्टा नगर्न आग्रह गरे । अरुण पूर्वका नौ जिल्ला प्राप्तीका लागि संघीय लिम्बूवान राज्य परिषद्ले हजारौं जनतालाई सडकमा ओराल्ने बताउादै अध्यक्ष लिङदेनले वर्तमान राज्यको शासन प्रणाली आफूहरुलाई मन नपरेको धारणा राखे ।
उनले आफुहरुको लडाई पहिचानको भएकोले लिम्वुवान प्राप्ती नभएसम्म कुनैपनि हालतमा निस्तेज नहुने उदघोष समेत गरे । ‘लिम्वुवान प्राप्तीमा धोका भए एकहजार वर्षसम्म पनि हामी पहिचानकालागि लडिरहने छौ’– उनले भने । राज्य पुर्नसंरचना आयोगले लिम्वुवान वीनाको संघिय खाका ल्याए शान्तिपुर्ण आन्दोलन शसस्त्र संघर्षमा फेरिने चेतावनी दिए ।
यसैगरी मञ्च सम्वद्ध लिम्बूवान राज्य परिषद्का महासचिव खगेन्द्र चेम्जोङले एकात्मक शासनका पक्षधरहरुले अहिले लिम्बूवान राज्य विरुद्ध बोलेर केही हुन नसक्ने दावी गरे । महासचिव चेम्जोङले लिम्बूवान विरुद्ध बोल्नेहरुका लागि लिम्बूवान राज्य विरानो हुने बताए । ‘जसले लिम्बूवान राज्य विरुद्ध बोल्छ, उसले लिम्बूवानमा बस्न पाउने छैन’ महासचिव चेम्जोङले भने ।
सुनसरी , मोरङ , झापा , पााचथर , ईलाम लगायतका जिल्लावाट सास्कृतिक झााकी र जातिय पोशाकमा आमसभामा सहभमागी हुन आएका लिम्वुवान समर्थकहरुल अरुणपुर्वका ९ जिल्लालाई लिम्वुवान राज्य घोषणा गर , संघियता र लिम्वुवान जिन्दावादको नारा लगाएका थिए ।
सभामा लिम्बूवान भोलेन्र्टीयर्स (एलभी)ले सुरक्षा दिएको थियो । एलभीका सदस्यहरुले सभास्थल आसपासमा उभिएर सुरक्षा दिएका हुन् । मञ्च सम्वद्ध लिम्बूवान राज्य परिषद्को आयोजनामा सम्पन्न सभामा लिम्बूहरु मात्र नभई गैरलिम्बूसमेतको उपस्थिति रहेको थियो । सभामा लिम्बूहरु भन्दा बढीको संख्यामा ब्राम्हण, क्षेत्री, राई, धिमाल र थारुहरुको उपस्थिति देखिन्थ्यो ।
No comments:
Post a Comment