खसीकपको उपाधि हिमाल युनाइटेडलाई

अफ्नो टिमले विजय हासिल गरेपछि खसी पुरस्कार उचाल्दै हिमाल युनाइटेड क्लबका सदस्यहरु ।

कुरकुरे डटकम
बयरवन । मोरङको बयरवन ८ स्थित हिमाल यनाइटेड क्लबको आयोजनामा सम्पन्न अन्तर क्लब मैत्रीपूर्ण खेल (खसी कप)को उपाधि अन्य ६ वटा टिमलाई पछि पार्दै आयोजकले कब्जा गरेको छ ।
    बुधबार सााझ सम्पन्न फाइनल खेलमा नव प्रगतिशिल युवा क्लब केरौन–१ जदहालाई शुन्य का विरुद्ध ३ गोलले पराजित गरी आयोजक हिमालले उपाधि हात पारेको हो । विजयी टिमलाई खसी पुरस्कार प्रदान गर्दै एमाले बयरवनका सहसचिव एवं ग्रामिण सुधार सामुदायिक वन उपभोक्ता समूहका कोषाध्यक्ष खड्ग बस्नेतले खेलप्रति सरकारले चासो नदिएका कारण र वैदेशिक रोजगारीमा युवा विदेश पलायन भएका कारण खेलकुदको विकास नभएको भन्दै सबैले यसप्रति चासो दिनुपर्ने बताएका थिए ।
स्थानीय पञ्चज्योति निमाविको खेल मैदानमा सञ्चालन भएको उक्त प्रतियोगितामा छिमेकी गाविस सहित ७ वटा टिमले सहभागिता जनाएका थिए । ग्रामिण क्षेत्रमा खेलकुदको विकासका साथै छिमेकी फुटबल क्लबहरुबीच मित्रता सुमधुर गर्ने उद्देयले प्रतियोगिता आयोजना गरिएको आयोजक हिमाल युनाइटेड क्लबका अध्यक्ष अजय राईले जानकारी दिए ।
    उक्त प्रतियोगितामा आयोजक हिमाल युनाइटेडका साथै पथरी फुटबल क्लब, नवप्रगतिसिल युवा क्लब जदहा, बसन्त युवा क्लब जााते, मितेरी युवा क्लब आइतबारे, शनिश्चरे फुटबल क्लब र रमाइलो फुटबल क्लबले सहभागिता रहेको छ ।