युवाको पहलमा सरसफाई

बयरवन, २३ साउन । स्थानीय युवाहरुको पहलमा आइतबार मोरङको बयरवनस्थित स्वास्थ्य चौकी परिसरमा वृहत्त सरसफाई कार्यक्रमको आयोजना गरिएको छ । 

भर्खरै स्थापित नव युवा सञ्जाल र युथ फर सोसाइटीको संयुक्त आयोजनमा स्वास्थ्य चौकी हाताभित्र सरसफाई  गरिएको हो । स्वास्थ्य चौकी परिसरलाई सफा गर्नका लागि स्वास्थ्य चौकीका कर्मचारी, विभिन्न संघसंस्थाका प्रतिनिधिहरु, राजनीतिक दलका प्रतिनिधिहरु र सर्वसारधणहरु आएर फोहोर सफा गर्नुका साथै परिसरको सडक बढारेका थिए । 

२०३० सालमा स्थापना भएको स्वास्थ्य चौकीलाई व्यवस्थित गर्दै वातावरण समेत स्वच्छ राख्न पहल थालिएको सञ्जालका संयोजक प्रकाश नाइका राईले बताउनु भयो ।

सरसफाईको सन्देश दिनका लागि सहभागिहरुको ¥यालीले बयरवन बजार समेत परिक्रममा गरेको थियो । स्वास्थ्य चौकीबाट सुरु भएको सरसफाई अभियान हरेक हप्ता बजार तथा चोकहरु समेतमा गरिने बताइएको छ ।